‘Dështaku’ i Chelseat pritet ta refuzojë Man Unitedin për t’iu bashkuar Tottenhamit
Sulmuesi i Leipzig, Timo Werner, pritet t’i bashkohet në një marrëveshje huazimi Tottenham Hotspurit, pra deri në fund të këtij sezoni, kështu duke refuzuar Manchester Unitedin, që ka shprehur interesim për gjermanin.
Sipas Sky Germany, Spurs dhe Leipzig janë duke finalizuar detajet që do të lejonin ish-lojtarin e Chesleat të rikthehej në Londër. Werner ka startuar vetëm dy ndeshje në Bundesligë këtë sezon, pasi ka mbetur prapa Lois Openda në renditje, dhe një rikthim në Premierligë është paralajmëruar shumë.
Werner ishte konsideruar si një opsion i mundshëm për Unitedin e Erik ten Hag në javët e fundit, por gjermani duket se është gati të nënshkruajë me Spurs. Pavarësisht se fitoi Ligën e Kampionëve në Chelsea, Werner vuajti me mospërputhje në perëndim të Londrës dhe u kthye në Gjermani pas vetëm dy sezonesh në Stamford Bridge. Tifozët e Spurs do të shpresojnë që gjermani të mund të gjejë magjinë që prodhoi përpara lëvizjes së tij në Angli, ndërsa përballen me mungesën e kapitenit të tyre Son Heung-min, i cili është larguar me Korenë e Jugut.
Në vitin e tij të dytë në Chelsea, Werner bëri 15 paraqitje më pak në të gjitha garat sesa sezoni i tij debutues. Pavarësisht reduktimit të kohës së lojës, shkalla e tij e golave u përmirësua dhe ai shënoi vetëm një gol më pak në sezonin e tij të dytë.
Nëse marrëveshja përfundon në kohë, Werner do të shpresojë t'i tregojë Unitedit atë që ata humbën ndërsa Spurs udhëtojnë në Old Trafford të dielën e ardhshme.
