Deschamps shpjegon se pse nuk e ftoi yllin e Interit për ndeshjet e tetorit
Didier Deschamps ka thënë se Benjamin Pavard nuk ka luajtur mjaftueshëm ndeshje për Interi, prandaj nuk është pjesë e Kombëtares së Francës për ndeshjet e tetorit.
Kundërshtarët e Ligës së Kombeve të Italisë, Franca, takohen me Izraelin dhe Belgjikën në tetor, por trajneri i 'Gjelave' Deschamps nuk e ka përfshirë në ekip mbrojtësin e Interit, Pavard.
“Benjamin luan, por jo të gjitha ndeshjet,” shpjegoi ai në një konferencë për shtyp të enjten, siç citohet nga TMW.
“Sigurisht, unë i ndjek të gjithë lojtarët, përfshirë Kalulu. Unë e kam bërë këtë që kur ai luajti për Milanin. Sezoni i kaluar ishte i vështirë për të, por ai i është bashkuar Juventusit, gjë që është e mirë për të.”
Kalulu ka qenë një titullar gjysmë i rregullt në Juventus dhe pritet të marrë edhe më shumë kohë për të luajtur pas lëndimit të fundit të Gleison Bremer.
Kalulu ishte ndër lojtarët më të mirë në fushë të mërkurën kur Zonja e Vjetër mundi RB Leipzig 3:2 në Ligë të Kampionëve.
Pavard ka bërë gjashtë paraqitje te Inter këtë sezon. Ai është fitues i Kupës së Botës me Francën në vitin 2018, dhe ka shënuar pesë gola në 54 paraqitje me ekipin e tij kombëtar.
