Debutim ëndrrash për Mirlind Dakun te Rubin Kazani, shënon dhe asiston ndaj Lokomotivës së Moskës
Sulmuesi kosovar, Mirlind Daku, ka bërë debutim ëndrrash te skuadra e re Rubin Kazan, pasi sot në ndeshjen e parë të elitës ruse ai ka shënuar fillimisht e pastaj ka asistuar në barazimin e skuadrës së tij 2:2 ndaj Lokomotivës së Moskës.
Daku që u transferua dy javë më parë nga Osijek te gjiganti rus, është ambientuar shpejt te skuadra e re, duke vazhduar formën e mirë që pati në sezonin që lamë pas te NS Mura ku ishte i huazuar.
Vetëm tre minuta iu deshën 25-vjeçari që të gjente golin e parë te skuadra e re. Ishte një harkim i Ilya Rozhkov në zonë, ku Daku u shkëput më së larti për të shënuar për 1:0.
DAKUUUUUUU! THIS IS ON HIS DEBUT! 🔥🔥🔥
— FC Rubin Kazan (@fcrk_en) July 22, 2023
Mirlind scores after Rozhkov's service ⚡️
We take the lead three minutes in!
Loko 0️⃣-1️⃣ Rubin pic.twitter.com/T0LzDR55Y3
Lokomotiva barazoi rezultatin në minutën e 23-të me anë të Tiknizyan në 1:1, me të cilin rezultat u mbyll pjesa e parë.
Por 13 minuta pasi filloi pjesa e dytë Rubin Kazan shënoi përsëri. Mirlind Daku pasoi një top bukur në zonë për Joel Fameyeh, i cili kaloi një kundërshtar dhe shënoi lehtësisht për 2:1.
Yeaaaaaaaaa! Fameyeh brings us forward 🔥
— FC Rubin Kazan (@fcrk_en) July 22, 2023
How elegantly Joel finished the move after the transfer from Daku 👏🏻 pic.twitter.com/LwNlwjjhbv
Ndeshja përfundoi me barazim, pasi Wilson Isidor shënoi gol në minutën e 87-të për rezultatin 2:2.
Daku në këtë ndeshje u paraqit për 75 minuta, kur u zëvendësua pas një lëndimi.
