Debutim ëndrrash për Arijanet Muric në Premierligë, njeriu kyç në fitoren e Burnleyt ndaj Brentford
Portieri i Kombëtares së Kosovës, Arijanet Muric, ka bërë debutimin e tij në Premierligë me skuadrën e Burnleyt dhe këtë e bëri në mënyrën më të mirë, duke qenë lojtari kyç pse skuadra e tij mori tre pikë kundër Brentfordit.
Muric që ishte njëri nga kryesorët që ndihmuan skuadrën e Vincient Kompanys të promovohet në elitën angleze, nuk u preferua deri më tani në asnjë ndeshje, me anglezin James Trafford, që ishte portier i parë.
Çuditërisht Kompany vendosi që në ndeshjen e sotme të bëjë ndryshim në portë, ku futi në lojë 25-vjeçarin kosovar, i cili nuk zhgënjeu, madje bëri pritje vendimtare në disa raste, ku ishte edhe lojtari më i vlerësuar në takim.
Burnley kaloi në epërsi në minutën 10-të kur Larsen shënoi nga penalltia.
Një top i kthyer gabimisht kur Aro Muric nuk ishte në portë, bëri që kosovari të vraponte shpejt ta largonte topin mrekullisht nga porta.
Arijanet Muric with a goal-saving clearance on his return to the side.#TwitterClarets
— ClaretXtra (@ClaretXtra) March 16, 2024
pic.twitter.com/vXqYXhNkcu
Në minutat shtesë Muric doli në skenë përsëri me pritje fantastike, kur Yoane Wissa tentoi me një gjuajtje, por kosovari në formë mbajti portën e paprekur.
Muric with a great save on his Premier League debut.#TwitterClarets
— ClaretXtra (@ClaretXtra) March 16, 2024
pic.twitter.com/CpKEOqqhYW
Burnley dyfishoi rezultatin në pjesën e dytë, me anë të Datro Fofanës.
Debutimi i Muricit mund të shkonte akoma më mirë nëse skuadra e tij nuk do të pësonte një gol në minutën e 83-të, të shënuar me kokë nga Ajer.
Edhe pse nuk arriti ta mbyllte ndeshjen me portë të paprekur, performanca e Arijanet Muric në debutim u vlerësua lartë dhe doli të ishte një ndryshim i mirë për Kompanyn në skuadër.
Në total 25-vjeçari bëri katër pritje që erdhen në drejtim të tij, grushtoi topin dy herë, bëri një dalje të suksesshme në një tentim dhe ishte i saktë 68% në pasime, ku bëri 12 topa të gjatë në drejtim të bashkëlojtarëve të tij.
Muric do të jetë me Kombëtaren e Kosovës në miqësoret e marsit, ku Dardanët takohen me Armeninë fillimisht e pastaj me Hungarinë dhe mendohet se pas kësaj paraqitje fantastike, ai do të marrë sërish një mundësi për skuadrën në elitën angleze.
