De Zerbi e kërkon Kristjan Asllanin te Brightoni
Roberto De Zerbi dhe klubi që ia drejton Brighton, janë të interesuar për mesfushorin shqiptar Kristjan Asllani, por raportohet se Interit mund të bindet vetëm nëse ofrohen mbi 20 milionë euro.
Reprezentuesi shqiptar bëri lëvizjen vetëm një vit më parë nga Empoli në San Siro për një shumë totale prej 14.5 milionë euro dhe kishte për ‘mësues’ Marcelo Brozovic, që luante në të njëjtin pozicion te zikaltrit.
Tani që Brozovic është shitur te Al Nassr, Asllani në teori duhet të marrë më shumë minuta për lojë, edhe pse kjo mund të ndryshojë me ardhjen e Davide Frattesit dhe një ndryshim pozicioni për Hakan Calhanoglu.
Sipas Tuttomercatoweb, Brighton i ka kërkuar Interit informacion për Asllanin dhe statusin e tij në tregun e transferimeve.
TMW - Inter, il Brighton su Asllani. Piace a De Zerbi, ma serve una grande offerta https://t.co/dsHUcgQOKE
— TUTTOmercatoWEB (@TuttoMercatoWeb) August 4, 2023
Megjithatë, meqenëse ai u ble kohët e fundit për 14 milionë euro, do të duhej të paktën një ofertë prej 20 milionë euro për ta bërë këtë të vlefshme për Interin.
21-vjeçari ka 10 paraqitje për të Kombëtaren e Shqipërisë, duke shënuar dy gola, ndërsa me zikaltrit ka kontratë deri në qershor të vitit 2027.
Ai fillimisht iu bashkua Interit në formë huazimi verën e kaluar me një kosto prej 4.5 milionë euro me detyrimin për të blerë për 10 milionë euro të tjera, që u aktivizua në korrik të vitit 2023.
