Cristiano Ronaldo pagoi gjysmë Porsche për numrin e telefonit të yllit televiziv
Cristiano Ronaldo kishte pranuar t’ia shiste makinën e tij Porsche Carrera për gjysmë më lirë sa kushtonte vetëm shkaku që mesazhuesi i tij ia dërgoi numrin e një ylli televiziv.
Ish mesazhuesi i portugezit, Rod Thornley, që ishte pjesë e Man Unitedit mes viteve 2003 – 2009, ka se si e ndihmonte pesë herë fituesin e Topit të Artë të merrte numrat e yjeve televizive.
“Ronaldo më la t’i bëja një mesazh një herë dhe shfaqja “X Factor” ishte në televizion”, ku sipas Thornley, Ronaldo kërkonte informata mbi Dannii Minogue, motra e vogël e këngëtares së famshme australiane, Kylie Minogue.
“A mund të ma dërgosh numrin e saj”, ishte pyetja e Ronaldos ndaj Thornley, që ishte përgjigjur: “Jam një njeri me kontakte dhe brenda katër ose pesë ditëve e kisha numrin dhe ia dërgova. Ata dolën disa herë, por asgjë pastaj nuk ndodhi”.
Pak më vonë, Ronaldo kishte pyetur për këngëtaren dhe valltaren Kimberly Wyatt.
“E pyeta se çfarë do të fitoja?”. Përgjigja e tij ishte se mund ta blinte Porsche Carrera për gjysmë çmimi pasi u largua për në Real Madrid.
“Në fundin e sezonit e pyeta nëse një marrëveshje do të qëndronte”, duke treguar se e bleu makinën për 30 mijë funte, pavarësisht që ajo kushtonte 60 mijë funte. “Ditën tjetër e shita atë për 50 mijë funte. Çfarë ndodhi pastaj ndërmjet Ronaldos dhe Wyatt nuk dihet”.
