Chelsea konfirmon transferimin e Aaron Anselmino nga Boca Juniors

Chelsea e ka konfirmuar transferimin e 19-vjeçarit qendërmbrojtës Aaron Anselmino nga Boca Juniors.

Anselmino vlerësohet si një nga talentët më të mëdhenj në Amerikën Jugore, ndërsa ka qenë shënjestër e Chelseas tërë verën, si pjesë e planit agresiv për të marrë talentët e rinj.

Një marrëveshje prej 17 milionë funteve u arrit javë më parë, ndërsa Chelsea tani ka njoftuar se mbrojtësi, i cili luan edhe në mesfushë, ka nënshkruar kontratë shtatëvjeçare në “Stamford Bridge”.

Si pjesë e marrëveshjes, Anselmino do të qëndrojë sezonin tjetër në formë huazimi te Boca, ku tashmë ka bërë 10 paraqitje zyrtare.

Anselmino bëhet transferimi i tetë i Chelseas këtë verë, ndërsa “Blutë” kanë marrë edhe sulmuesin e Palmerias Estevao Willian, i cili do t’iu bashkohet në Londër kur t’i mbush 18 vjeç më 2025.

Shpresat për Anselminon janë jashtëzakonisht të larta, i cili ka bërë debutimin në qershor 2023 dhe nga mediat aragjentinase është vlerësuar si lojtari më i mirë i ri.