Chelsea e kontakton trajnerin e Ipswichit, tentojnë ta fitojnë duelin me Man Unitedin e Brightonin

Raportohet se Chelsea ka kontaktuar trajnerin e Ipswich Town, Kieran McKenna, duke tentuar t’i mposht kundërshtarët si Manchester United dhe Brighton, të cilat po ashtu janë interesuar për trajnerin në fjalë.

Të kaltrit vendosën të ndaheshin reciprokisht me Mauricio Pochettino në fund të sezonit, pavarësisht se trajneri argjentinas i udhëhoqi drejt një vendi në gara evropiane pas një fillimi të tmerrshëm të sezonit. Pronari Todd Boehly me Clearlake Capital po lëviz me shpejtësi për të gjetur zëvendësuesin e tij dhe ka rënë në kontakt me Ipswich për të përfunduar një marrëveshje për McKenna, i cili është nën kontratë me ‘Tractor Boys’ deri në vitin 2028, sipas The Guardian. Përveç kësaj, Chelsea ka bërë gjithashtu një plan emergjence me trajnerin e Leicester City, Enzo Maresca, i cili gjithashtu është në listën e tyre të ngushtë.

McKenna, i cili është shumë i kërkuar pas arritjes së tij të jashtëzakonshme për të udhëhequr Ipswich në promovimin në Premieligë, është shfaqur si zgjedhja e preferuar e Chelseat. Suksesi i 38-vjeçarit ka tërhequr vëmendjen edhe nga Manchester United dhe Brighton. Pavarësisht kësaj, Chelsea beson se McKenna, i cili më parë ka shërbyer në stafin e Unitedit, do t'i zgjedhë ata mbi rivalët e tyre nëse vendos të largohet nga Ipswich.

Raportimi më tej përmend se e ardhmja e Maresca në Leicester është e pasigurt. Pasi i drejtoi dhelprat drejt titullit të Championship, zbritjet e mundshme të pikëve dhe një buxhet ndoshta i kufizuar transferimi mund të ndikojnë në vendimin e tij të ardhshëm. Për më tepër, stili i Marescas përputhet mirë me vizionin e Chelseat për një trajner të ri, progresiv, të gatshëm për t'u integruar në modelin e tyre të strukturuar të rekrutimit, të menaxhuar nga drejtorët sportivë Laurence Stewart dhe Paul Winstanley.

Chelsea po ndjek gjithashtu kandidatët e tjerë për trajner, duke përfshirë Thomas Frank të Brentford, Sebastian Hoeness të Stuttgartit dhe Michel të Gironas. Hoeness, megjithatë, ka më pak gjasa të lëvizë këtë verë pas nënshkrimit të një marrëveshjeje të re me Stuttgartin, pas përfundimit të tyre mbresëlënës në vendin e dytë në Bundesligë. Ndërkohë, Vincent Kompany i Burnley thuhet se është në prag të bashkimit me Bayern Munich, duke e bërë atë një opsion të pamundur për Chelsean.