Casemiro: Shpresoj se Ronaldo do të qëndrojë
Lojtari i ri i Manchester Unitedit, Casemiro, dëshiron që ish-bashkëlojtari i tij në Real Madrid, Cristiano Ronaldo, të qëndrojë në Old Trafford këtë sezon.
Ish-mesfushori i Real Madridit ka thënë se nuk dëshiron që Ronaldo të largohet këtë verë, pavarësisht zërave që e lidhin atë larg nga Old Traffordi. Dyshja kaluan katër vjet së bashku në Bernabeu, përpara se Ronaldo të largohej për t'iu bashkuar Juventusit.
Për të ardhmen e Ronaldos në Manchester United, Casemiro i tha ESPN Brasil, "Po flasim për një nga lojtarët më të mirë të të gjitha kohërave. Ai e di që unë e respektoj shumë. Shpresoj që të qëndrojë me ne sepse është një lojtar i madh. Ai jep shumë gola, ai është një fitues, ai është një lider. Ai është shumë i rëndësishëm për ne. Ne iu afruam njëri-tjetrit edhe për shkak të gjuhës. Që nga dita e parë këtu, ai më ka ndihmuar me gjithçka. Ai po më ndihmon shumë. Shpresoj shumë që të qëndrojë me ne."
Ndryshe, mesfushori i sapoardhur te djajtë e kuq pritet të debutoj nesër ndaj Southamptonit, pasi që stërviti gjatë tërë javën me skuadrën, dhe trajneri holandez Erik ten Hag e konsideron atë si titullar. Ndërsa Martial do të mungojë, pasi që bëri një kthim të shpejtë pas lëndimit që pësoi në fazën përgatitore.
.jpg?format=jpg)
Sulmuesi francez u inkuadrua në lojë ndaj Liverpoolit, dhe dukej mjaftë në formë të mirë, ashtu siç kishte treguar edhe në ndeshjet miqësore, por sërish ka një shqetësim në këmbën e tij.
Situata e Ronaldos në Manchester United
Ronaldo kërkoi të largohej nga Manchester United në fillim të verës në kërkim për të luajtur sërish në Ligën e Kampionëve.
Ai në ndeshjen hapëse të skuadrës së tij aktuale luajti që nga minuta e 53 e takimit, në humbjen ndaj Brightonit 2:1. Ndërsa në ndeshjen startoi dhe luajti në tërë ndeshjen, aty ku skuadra e tij u turpërua nga Brentfordi me rezultat 4:0.
Ndërsa në derbin më të madh anglez, mes Liverpoolit dhe djajve të kuq, sulmuesi portugez ishte rezervist deri në pesë minutat e fundit të takimit dhe çuditërisht United fitoi 2:1.
E ardhmja është ende e pasigurt për Cristiano Ronaldon, kur po afrohet mbyllja e afatit kalimtar më 1 shtator.
United do të përballet me Southampton më 27 gusht, ku mund të jetë paraqitja e tij e fundit për klubin.
