‘Buzëqesh’ Arteta, Gabriel Jesus lë pas lëndimin dhe kthehet në stërvitje

Ylli i Arsenalit Gabriel Jesus është rikthyer në stërvitje të plotë me ekipin të enjten.

Braziliani humbi fillimin e sezonit shkaku që u detyrua të bënte një operacion në gju.

Por Jesus duket që e ka lënë prapa këtë lëndim, meqenëse u pa në stërvitje me bashkëlojtarët.

Ende nuk dihet saktësisht nëse Arteta do ta ftojë Jesus këtë vikend për përballjen ndaj Fulham, mirëpo lojtari mund të jetë gati për derbin ndaj Manchester Unitedit.

Eddie Nkeitah ishte titullar në të dy ndeshjet e Arsenalit në Premierligë, në mungesë të Jesusit ku edhe shënoi një gol në fitoren 2:1 ndaj Nottingham Forestit.

Arsenal regjistroi dy fitore në dy ndeshjet e para në Premierligë, duke arkëtuar gjashtë pikë, aq sa kanë vetëm Brighton dhe Man City.

Objektivi i skuadrës londineze mbetet titull kampion i Anglisë, të cilët ishin afër ta arrinin vitin e kaluar por që lëshuan pikët në xhirot e fundit.