Borussia Dortmund e ndal me barazim Bayern Munichun në 'Der Klassiker'
Der Klassiker ka përfunduar me barazim 1:1.
Lideri i Bundesligës, Bayern Munich, ishte i pafuqishëm ndaj Borussia Dortmund, duke shpëtuar në minutat e fundit nga humbja.
Takimi në Signal Iduna Park u dominua nga bavarezët, pasi ishin në ndjekje të rezultatit pothuajse nga minutat e para.
Gittens e kaloi në epërsi Borussia Dortmundin në minutën e 27-të, pas asistit të Schlotterbeck.
Harry Kane pësoi lëndim, që mund të jetë lajmi keq për Bayernin, pasi ylli anglez u detyrua të zëvendësohej në minutën e 33-të.
Me rezultatin 1:0 përfundoi pjesa e parë.
Bayern Munich u hodh në sulm në 45 minutat në vijim, dhe e arriti golin e barazimit në minutën e 85-të.
Jamal Musiala shënoi për 1:1, pasi u asistua nga Olise.
Me këtë rezultat u mbyll takimi dhe Bayern Munich vazhdon në krye të Bundesligës pavarësisht rezultatit, tani me shtatë pikë para Frankfurt e Leverkusen.
