Bellingham dëshiron t’i fitojë të gjitha, synon tripletën me Real Madridin e Anglinë
Ylli i Real Madridit, Jude Bellingham, dëshiron t’i fitojë të gjitha trofetë, duke përfshirë edhe Evropianin me Anglinë, duke i vendosur vetes synimin drejt një triplete.
Mesfushori i Mbretërve tashmë ka shijuar lavdinë e Superkupës në sezonin e tij debutues në Santiago Bernabeu, ndërsa ka mbledhur gjithashtu çmimet prestigjioze të Kopa Trophy dhe Golden Boy. Ai synon të fitojë më shumë trofe me klubin dhe vendin pasi titujt e La Liga, Ligës së Kampionëve dhe Euro 2024 janë të arritshme.
Bellingham kur mori çmimin “Lojtari me më shumë përparim gjatë vitit” në Laureus World Sports Awards 2024, tha: “Është padyshim diçka që dua të bëj. Kemi ende disa ndeshje për të përfunduar La Ligan dhe më pas kemi dy ndeshje shumë të vështira kundër Bayern Munich [në gjysmëfinale të Ligës së Kampionëve]. Për Euro, shpresojmë se mund të marrim formën tonë nga turnet e fundit dhe të bëjmë një garë më të mirë.”
Bellingham ka qenë një zbulim në Spanjë këtë sezon, duke regjistruar 21 gola në 36 paraqitje, dhe shtoi se si e ka pasur kaq të lehtë të ambientohet në këtë mjedis: “Unë mendoj se është një përzierje e gjithçkaje. Shokët e mi të skuadrës janë të mrekullueshëm. Stafi është thjesht i mrekullueshëm. Unë dal në qytet herë pas here dhe jam mirëpritur nga fansat. Është një përzierje vërtet e mirë.”
Reali ka shkuar 11 pikë përpara në krye të tabelës së Ligës, ndërsa numëron ditët për një përballje evropiane me Harry Kane dhe Bayern Munich. Ndërkohë, Anglia do të hapë përpjekjen e saj për lavdinë e Kampionatit Evropian kundër Serbisë më 16 qershor.
