Belgjika nuk e fton Thibaut Courtois për EURO 2024
Portieri i Real Madridit, Thibaut Courtois, është lënë jashtë skuadrës së Belgjikës për Kampionatin Evropian, pavarësisht se ai pritet të luajë nga minuta e parë në finalen e Ligës së Kampionëve.
Courtois u largua nga skuadra e Belgjikës qershorin e vitit të kaluar, kur ai nuk u emërua kapiten pas daljes në pension të Eden Hazard, duke çuar në një grindje publike me trajnerin Domenico Tedesco.
32-vjeçari u kritikua nga shokët e skuadrës dhe që atëherë ka shprehur keqardhje.
Coutois ka qenë jashtë fushës për pjesën më të madhe të sezonit pasi pësoi dy lëndime serioze në gju. Ai u rikthye kundër Cádiz në La Liga më 4 maj, përpara se të ishte në bankën rezervë në ndeshjen e dytë gjysmëfinale të Ligës së Kampionëve të Madridit kundër Bayern Munich. Që atëherë ai ka mbajtur portën e pastër kundër Granadës, Alavés dhe Real Betis.
Burimet kanë thënë për ESPN se klubi beson se nëse ai është i përgatitur fizikisht, nuk ka debat dhe do të startojë në finalen e Ligës së Kampionëve.
"Courtois ishte shumë i qartë dhe i sinqertë që në fillim të komunikimit të tij. Informacioni i fundit që kemi marrë është se ai nuk është gati për Kampionatin Evropian. Ai e njeh trupin e tij më së miri," tha Tedesco në një konferencë për shtyp të martën.
Pavarësisht rregullave që lejojnë trajnerët të marrin një skuadër prej 26 lojtarësh në turne, Tedesco vendosi të emërojë vetëm 25 lojtarë në grupin që do të marrë në Gjermani.
Tre portierët e ftuar nga Belgjika për EURO 2024 janë: Koen Casteels (VfL Wolfsburg), Thomas Kaminski (Luton Town), Matz Sels (Nottingham Forest).
