Befason legjenda e Arsenalit: S'do befasohesha nëse Jorginho largohet në verë
Legjenda e Arsenalit, Paul Merson ka befasuar së fundmi duke thënë se mesfushori i transferuar gjatë janarit mund të largohet në verë.
Italiani nënshkroi kontratë për 18 muaj me "Topçinjtë" në afatin e kaluar dimëror duke i dhënë fund aventurës katërvjeçare me Chelsean.
Jorginho e ka nisur për mrekulli te Arsenal duke dëshmuar kualitetin si zëvendësues i Thomas Partey dhe Merson e ka vlerësuar si transferim fenomenal.
"Transferimi i Jorginhos ka qenë i mrekullueshëm te Arsenali. Ai ka luajtur për mrekulli dhe kjo dëshmohet më së miri".
"Ka qenë kyç në tre fitoret e fundit dhe erdhi në kohën e duhur pas lëndimit të Thomas Partey që vuajti nga lëndimi muskulor".
"Edu gjithashtu meriton një meritë të madhe për atë që po ndodh në Arsenal. Ai dhe Mikel Arteta janë truri pas transformimit të tyre".
“Ju duhet të shikoni vetëm afatin kalimtar të janarit. Mendova se Jorginho do të ishte një nënshkrim fenomenal dhe kjo është pikërisht ajo që ka ndodhur. Ishte kaq e zgjuar në çdo mënyrë që mund të imagjinohej.
“Ai mund të mos jetë as atje sezonin e ardhshëm, nuk do të habitesha nëse do të largohej këtë verë, por nuk ka rëndësi. Është mënyra se si Arsenali po mendon, ata po bëjnë gjithçka që munden për të maksimizuar shanset e tyre për sukses”, deklaroi ai.
Arsenal befasoi edhe me dy nënshkrimet e tjera gjatë janarit si sulmuesi i Brightonit, Leandro Trossard dhe mbrojtësi i Spezias, Jakup Kiwior.
