Bayern Munich me rikthim eliminon Lazion, kualifikohet në çerekfinale

Bayern Munich nuk ka lejuar befasi duke eliminuar Lazion dhe arritur ta sigurojë kualifikimin në çerekfinale të Ligës së Kampionëve.

“Bavarezzët” edhe pse humbën ndeshjen e parë me rezultat 1:0, fituan në ndeshjen kthyese bindshëm 3:0 për ta siguruar kualifikimin tutje.

Lazio kishte rastin e parë të artë për të kaluar në epërsi, mirëpo Ciro Immobile dështoi të shënonte nga dy metra distancë.

E kur s’shënon, e pëson. Rregulli i pashkruar i futbollit e dëshmoi vetën, pasi qysh në aksionin tjetër – Bayern Munich kaloi në epërsi përmes Harry Kane që shënoi me kokë pas harkimit të Gurreiros (38’).

Për përmbysjen e madhe u përkujdes Thomas Muller, që futi kokën te goditja vollej e De Ligt për ta devijuar dhe në fund përfundoi në rrjetë (45+2’).

Bayern Munich ishte shumë më e mirë edhe në pjesën e dytë, me Harry Kane që e vulosi fitoren pas një aksioni të shpejtë, duke realizuar nga afësia (56’).

Kësisoj, Bayern bëhet skuadra e parë që siguron kualifikimin në çerekfinale të Ligës së Kampionëve.