Bayern Munich kërkon falje ndaj presidentit të PSG-së
Bayern Munich, ka kërkuar falje te presidenti i Paris Saint-Germain, Nasser Al Khelaifi, pasi tifozët e klubit gjerman shfaqën një pankartë që e ofendonte atë personalisht gjatë përballjes në Allianz Arena në Ligë të Kampionëve.
Pankarta shtronte pyetjen se si Al-Khelaifi mund të ishte pronar klubi, anëtar i Komitetit Ekzekutiv të UEFA-s, kryetar i Shoqatës Evropiane të Klubeve dhe mbajtës i të drejtave televizive si kryetar i beIN.
Ai u quajt "plutokratik", teksa u përdorën edhe fjalë ofenduese.
“FC Bayern dëshiron të kërkojë falje në çdo moment kur kundërshtarët dhe përfaqësuesit në stadium ndihen të ofenduar me pankarta dhe zë, që mbesin të ofenduar si rezultat”, tha Bayern në një deklaratë.
“Klubi dëshiron të bëjë të qartë se këto pankarta nuk janë autorizuar nga FC Bayern dhe nuk pasqyrojnë qëndrimin e klubit. Ato nuk janë në përputhje me marrëdhëniet e mira dhe të kahershme mes dy klubeve. Toni i këtyre banderolave bie gjithashtu në kundërshtim me stilin e FC Bayern dhe marrëdhëniet respektuese që klubi ka me partnerët e saj ndërkombëtarë”.
Bayern mundi PSG-në 1:0 falë golit të Kim Min-jae, ndërsa skuadra franceze u reduktua në 10 lojtarë kur Ousmane Dembele u përjashtua me karton të kuq pak para se të bëheshin një orë lojë.
