Barcelona rivalizon Chelsean dhe Real Madridin për Bruno Guimaraes

Barcelona është skuadra më e fundit që ka shprehur interesim për mesfushorin e Newcastle Unitedit, Bruno Guimaraes.

Braziliani është një ndër lojtarët me paraqitjet më të mira në Premierligë këtë edicion, duke ndihmuar Newcastle të renditen në top katër momentalisht.

Meqenëse interesimi i Barcelonës për yllin e Manchester Cityt, Bernardo Silva, ka marrë fund, trajneri Xavi Hernandez ka rikthyer interesimin te braziliani.

Sipas "The Sun", Barcelona shpreson të tundojë vendosmërinë e Newcastle duke vendosur një ofertë transferimi për 24-vjeçarin.

Skuadra e Xavit bashkohet me Chelsean dhe rivalët e përbetuar, Real Madridin, si kërkues të mundshëm për Guimaraes, i cili shpejt është bërë një nga perspektivat më të nxehta të mesfushës në Evropë.

Skuadra katalanase ishte përpjekur të nënshkruante me Silvan e Cityt për gjashtë muaj, por përfundimisht u shpërblye me nënshkrimin e mesfushorit - i cili vlerësohet në 80 milionë funte.

Guimaraes iu bashkua “Magpies” vetëm në janar - pasi përfundoi një lëvizje prej 40 milionë funtesh nga Lyon - por tashmë ka një numër klubesh të mëdha evropiane që konkurrojnë për nënshkrimin e tij.

Tifozët e Newcastle do të shpresojnë që Guimaraes të qëndrojë në klub pasi ai pretendoi se ai ka filluar të 'ndihet si një Geordie tani' dhe dëshiron të bëhet një 'legjendë'.

"Të ndryshosh shtetin, të ndryshosh ligat dhe në një vit të Kupës së Botës gjithashtu, ishte një vendim vërtet i vështirë”.

“Por mendoj se ishte e duhura. Jam shume i lumtur. Është një hap i mahnitshëm. Ndihem si një Geordie tani”.

“Gjithmonë kam ëndërruar të luaj në Premierligë, por, sinqerisht, kurrë nuk kam menduar se mund të ishte kaq mirë. Jam krenar për atë që po bëj, për veten dhe klubin, por ishte një zgjedhje e vështirë”, kishte deklaruar ai.

Interesi për 24-vjeçarin është i kuptueshëm duke pasur parasysh paraqitjet e tij mbresëlënëse që kanë ndihmuar Newcastle të ngjitet në vendin e katërt në tabelën e Premierligës.

Në 27 paraqitjet e tij, ai ka shënuar shtatë gola dhe tre asistime për të shkuar krahas aftësive të tij për të fituar topin dhe në mbrojtje në mesfushë.

Çmimi i brazilianit mund të rritet më tej nëse ai paraqitet për kombëtaren e tij në Kupën e Botës, gjë që ai pritet ta bëjë duke pasur parasysh formën e tij të jashtëzakonshme këtë vit.