Barcelona në bisedime të avancuara për Rashford
Përfaqësuesit e Marcus Rashford kanë zhvilluar biseda të drejtpërdrejta me Barcelonën për mundësinë e një kalimi te klubi katalanas para mbylljes së afatit kalimtar të janarit, sipas burimeve të ESPN.
Rashford është në dispozicion këtë muaj pasi është lënë jashtë skuadrës nga trajneri i Manchester United, Ruben Amorim. Burimet thonë se United është i gatshëm të dëgjojë ofertat për huazim, megjithatë kërkon që çdo klub i interesuar të paguajë së paku një pjesë të pagës së lojtarit 27-vjeçar.
Barcelona ka pasur mundësinë të nënshkruante me Rashford para hapjes së merkatos, sipas burimeve. Ata kanë kërkuar të mbahen të informuar mbi zhvillimet e mundshme për të ardhmen e tij, por për momentin kanë çështje financiare për të zgjidhur përpara se të fillojnë bisedimet formale me United.
Me shumë mundësi, Barcelona do të duhet të sigurojë largimin e Eric García dhe Ansu Fati për t'u dhënë mundësi lëvizjes për Rashford. Burimet e ESPN thonë se ka dyshime brenda klubit nëse është e nevojshme një përforcim në pozitat e sulmit, duke marrë parasysh se krahun e majtë e mbulon Raphinha, megjithatë, presidenti Joan Laporta thuhet të jetë një adhurues i lojtarit anglez.
Rashford nuk ka luajtur për United që nga fitorja 2:1 ndaj FC Viktoria Plzen më 12 dhjetor, pasi pati kritika nga Amorim për paraqitjet e tij në stërvitje. Ai ka stërvitur si zakonisht me skuadrën e United në Carrington të mërkurën paradite, përpara ndeshjes së Ligës së Evropës kundër Rangers të enjten.
Gjithashtu, Borussia Dortmund është lidhur me një kalim të mundshëm të Rashford, por ka dyshime nëse klubi gjerman mund të përballojë pagën e tij të lartë.
