Atalanta e 'rrëmben' nga Interi sulmuesin e West Ham Unitedit, Scamacca arrin për testet mjekësore

Sulmuesi i West Ham United, Gianluca Scamacca, ka mbërritur në Romë për të kryer testet mjekësore me Atatlantën, për të kompletuar transferimin e tij për 30 milionë euro. Kështu skuadra nga Bergamo ka rrëmbyer një nga objektivat e Interit për këtë afat kalimtar.

Qendërsulmuesi udhëtoi nga Londra dhe mbërriti në aeroportin Ciampino në kryeqytet këtë pasdite.

Testet mjekësore do të kryhen në Romë në klinikën Villa Stuart, përpara se ai të bëjë analiza të mëtejshme në CONI (Komiteti Olimpik Italian).

Scamacca më pas mund të nënshkruajë kontratën me vlerë 3.2 milionë euro në sezon, duke u bërë lojtari më i paguar në klub.

Atalanta është vendosur të paguajë 25 milionë euro plus 5 milionë euro të tjera bonuse që janë relativisht të lehta për t'u aktivizuar, duke përmbushur çmimin e kërkuar prej 30 milionë euro.

West Ham humbi mjaft shumë në këtë transferim, pasi ata e nënshkruan atë vetëm një vit më parë për 36 milionë euro plus 6 milionë euro bonuse.

Sassuolos i detyrohet gjithashtu një shumë prej 10 për qind të tarifës së shitjes, kështu që do të marrë rreth 3 milionë euro nga kjo marrëveshje.

24-vjeçari kishte qenë gjithashtu në bisedime me Interin dhe Romën, por vetëm Atalanta ishte e përgatitur për të përmbushur çmimin, duke pasur shumë për të shpenzuar pasi shiti Rasmus Hojlund te Manchester United për një shumë rekorde prej 85 milionë eurosh, përfshirë shtesat.

Atalanta gjithashtu pritet të sigurojë Charles De Ketelaere nga Milani, në huazim për 3 milionë euro me një opsion për të blerë për 23 milionë euro të tjera.