Arteta për gabimin e gjyqtarit: S'ishte gabim njerëzor, nuk e kuptove punën tënde
Trajneri i Arsenalit, Mikel Arteta i ka reaguar gjyqtarit duke thënë se ai s'e kuptoi punën e tij dhe që nuk ishte një gabim njerëzor.
Goli i pranuar i Arsenalit ndaj Brentfordit ka qenë pikë diskutimi më e madhe në javën e kaluar pasi goli i Ivan Tonay ishte në pozitë jashtë loje, sidoqoftë VAR-i bëri gabim duke e vlerësuar si të rregullt.
Para ndeshjes ndaj Man Cityt, Arteta tha se kanë mbetur të zemëruar dhe zhgënjyer nga veprimi i gjyqtarit shkaku që dy pikët më nuk do t’iu kthehen.
“Ne e mbyllëm ndeshjen me një zemërim dhe zhgënjim të madh, sepse ky nuk ishte një gabim njerëzor, që nuk e kuptove punën tënde dhe kjo nuk është e pranueshme. Kjo i kushtoi Arsenalit dy pikë dhe këto nuk do të rikthehen”.
"Kjo i ka bërë lojtarët, stafin dhe tifozët më të fortë për të kaluar këtë pengesë që na është vënë".
“Do të jem i kënaqur vetëm nëse na kthejnë dy pikët dhe nuk do të jetë kështu”.
Kujtojmë, përballja ndërmjet Arsenalit dhe Man Cityt do të zhvillohet në “Emirates” me fillim nga ora 20:30.
