Arteta kërkon teknologji më të mirë pas rastit të fundit kontrovers në VAR

Trajneri i Arsenalit, Mikel Arteta, ka kërkuar teknologji më të mirë, pasi VAR ishte nuk ishte në gjendje të jepte një vendim përfundimtar për golin shumë të diskutueshëm të shënuar nga Tomas Soucek në fitoren 2:0 të West Hamit ndaj Topçinjve.

Polemikat u ngritën në pjesën e parë kur Soucek shënoi në minutën e 13-të, dhe VAR nuk ishte në gjendje të përcaktonte përfundimisht nëse topi kishte dalë jashtë para se Jarrod Bowen të bënte një krosim. Gjyqtari në fushë, Michael Oliver ia dha golin West Hamit, i cili ndezi një debat të zjarrtë nëse ai duhej të kishte qëndruar. Ish-gjyqtari i Premierligës, Mark Clattenburg, vlerësoi situatën dhe sugjeroi që një çip duhet të futet në top për të siguruar qartësi në situata të tilla.

Clattenburg i tha Amazon Prime: “Vetëm merr një çip në top, të themi si në turnetë e mëdhenj, që është ndoshta ajo që mund të arrijmë përpara. Nëse ai çip do të ishte në top, ata mund të kishin teknologjinë për të parë qartë nëse topi doli jashtë loje.”

Një Arteta i nxehur mori në shënjestër VAR-in pas humbjes shokuese në shtëpi ndaj Çekanëve dhe bëri thirrje për zbatimin e teknologjisë më të mirë. Kur u pyet nëse do të mbështeste një çip në top, ai tha: "Ne të gjithë duam teknologjinë më të mirë të mundshme në mënyrë që vendimet të jenë të qarta. Kështu që sot, nëse nuk është përfundimtare me teknologjinë që kemi në ditët e sotme, ndoshta kjo është diçka që mund ta përmirësojmë”. Më vonë tha: "Nuk e di, nuk e kam parë, por të gjithë thonë "a është teknologjia mjaft e mirë?" për të kuptuar se ku është [topi], dhe kjo është ndoshta pyetja, por unë nuk e kam parë atë”.

Arsenali kishte 30 goditje në krahasim me gjashtë të West Hamit dhe megjithatë Topçinjtë nuk mundën të thyenin fortesën e West Ham.

Humbja i shtoi vështirësitë e fundit të Arsenalit në vend pasi ata kanë fituar vetëm katër pikë në katër ndeshjet e fundit të ligës. Megjithatë, ata kanë pak kohë për të vajtuar për humbjen e tyre të fundit pasi duhet të përballen me Fulham të dielën.