Arteta kërkon nga Jesus dhe Nketiah ta thyejnë akullin: Mungesa e golave duhet të marrë fund
Trajneri i Arsenalit, Mikel Arteta, dëshiron që dyshja e tij sulmuese, Gabriel Jesus dhe Eddie Nketiah t’i japin fund ndeshjeve pa gola dhe të fillojnë të shënojnë duke nisur nga ndeshja e sotme.
Spanjolli theksoi se për të vazhduar fitoret në ndeshje dhe me diferenca më të mëdha, sulmuesit duhet të fillojnë të shënojnë gola vazhdimisht.
"Ne kemi nevojë për gola dhe na duhen nga lojtarët tanë që luajnë në sulm, kjo është e sigurt, për të fituar ndeshjet dhe për të na dhënë diferenca më të mëdha," tha Arteta për Arsenal.com . “Ajo seri e mungesës së golave duhet të përfundojë që ne të jemi në pozicionin që ne të fitojmë më shumë ndeshje.
"Stërvitja është shumë e kufizuar [për shkak të orarit të ngjeshur të ndeshjeve] por ndonjëherë janë shumë gjëra mendore për të cilat mund të punoni dhe diskutoni. Me përvojën që ata kanë, nuk është hera e parë që kanë qenë pesë ndeshje pa shënuar një gol në karrierën e tyre - i ka ndodhur çdo sulmuesi që unë njoh. Duhet të merreni me të, është pjesë e punës."
Gabriel Jesus, i cili ka shënuar pesë gola për Topçinjtë që kur u bashkua me ta në verë, nuk e ka gjetur emrin e tij në fletën e golave në pesë ndeshjet e fundit në të gjitha garat. Goli i tij i fundit ishte kundër Tottenham Hotspur më 1 tetor. Nga ana tjetër, Nketiah ka shënuar vetëm dy gola në Ligën e Evropës këtë sezon.
Pasi pësoi humbjen e dytë të sezonit kundër PSV Eindhoven, Mikel Arteta do të përballet me Nottingham Forest të dielën në Premierligë me fillim nga ora 15:00.
Topçinjtë me patjetër iu duhet fitorja nëse dëshirojnë të qëndrojnë në vend të parë, pasi dje Manchester City me fitoren minimale ndaj Leicester Cityt, mori kryesimin përkohësisht.
