Arteta ka një plan si të përballet me Chelsean dhe Cole Palmerin

Trajneri i Arsenalit, Mikel Arteta, ka përpiluar një plan si të ndalet Cole Palmer dhe të shkojnë drejt fitores kur të përballen me Chelsean.

Arsenali shkon në Stamford Bridge të dielën në një ndeshje të madhe në Premierligë me Chelsean. Topçinjtë kanë humbur dy ndeshjet e fundit radhazi, kundër Newcastle në elitën angleze dhe ndaj Inter në Ligën e Kampionëve, dhe do ta dinë se nuk mund të përballojnë më shumë pikë të humbura nëse do të sfidojnë për titullin këtë sezon. Rënia e fundit në formë e Arsenalit i ka bërë ata të dështojnë të regjistrojnë një fitore në Premierligë që nga fitorja 3:1 ndaj Southamptonit në fillim të tetorit dhe të zbresin në vendin e pestë në tabelë, tashmë shtatë pikë prapa liderit Liverpool.

Chelsea do të paraqesë një provë të ashpër pasi blutë kanë humbur vetëm një herë në nëntë ndeshjet e Premierligës që nga humbja e fundjavës së parë ndaj Manchester Cityt. Ata gjithashtu po tregojnë formë të mirë në sulm dhe do të shpresojnë që Palmer të mund të shmangë një dëmtim të fundit për të luajtur. Reprezentuesi anglez ka shtatë gola dhe pesë asistime në vetëm 10 paraqitje në Premierligë këtë sezon dhe sigurisht që ka qenë në mendimet e Artetas përpara ndeshjes.

Ai u tha gazetarëve: "Kjo është një pyetje që të gjithë menaxherët në ligë e kanë pasur dhe ai ende ka arritur të ndikojë në lojëra. Ne do të kemi një plan për Cole dhe të gjitha kërcënimet e tyre, dhe për të shfrytëzuar dobësitë e tyre."

Arteta vazhdoi duke folur për dëshirën e skuadrës për t'u rikthyer në rrugët e fitoreve, duke shtuar: "Nuk ka njeri në këtë dhomë apo jashtë që dëshiron të fitojë më shumë se unë apo lojtarët. Kjo është e pamundur. Ndjej një besim të madh në atë ekip. Ata janë të uritur dhe duan të punojnë. Dëshira është e pabesueshme. E shijojnë punën që bëjnë."

Arteta është i pamposhtur në të pesë ndeshjet e tij në udhëtim në Premierligë si trajner i Arsenalit kundër Chelseat, duke fituar tre dhe duke barazuar dy.

Pas kësaj ndeshje, Arsenali do të kthehet në fushë pas pushimit ndërkombëtar kundër Nottingham Forest, ndërsa Chelsea do të përballet me ish-skuadrën e menaxherit Enzo Maresca, Leicester.