Arsenali e sheh Inzaghin si pasardhës të Artetës

Tuttosport raporton se Arsenali e sheh trajnerin e Interit, Simone Inzaghin, si pasardhës të Mikel Artetës dhe tashmë është njoftuar agjenti i trajnerit italian nga gjiganti i Premierligës.

Trajneri i Interit, Inzaghi është shfaqur si kandidat për të zëvendësuar Artetën në Arsenal.

Sipas raportimit të fundit nga Tuttosport, Topçinjtë kanë njoftuar tashmë shoqëruesit e trajnerit se ata e kanë ndjekur dhe vlerësuar punën e tij në Stadio Meazza.

Inzaghi është vetëm një trofe larg që të bëhet trajneri më i suksesshëm i Interit. Kontrata e tij me gjigantët e Serisë A skadon në qershor 2026.

Interi i Inzaghit mundi Arsenalin në një ndeshje të Ligës së Kampionëve në San Siro në nëntor, kur trajneri italian konfirmoi se ishte kontaktuar më herët nga klubet e Premierligës.

Tuttosport shton se Arsenali nuk planifikon të ndahet me Artetën para përfundimit të kontratës së tij në 2027, por nëse gjigantët evropianë Manchester City dhe Real Madrid i afrohen trajnerit spanjoll në verë, Inzaghi do të ishte një kandidat i besueshëm për ta zëvendësuar atë në Londër.