Arabia Saudite dëshiron ta ketë një skuadër në Ligën e Kampionëve, planifikohet një kërkesë në UEFA për ‘Wild Card’
Raportohet se Arabia Saudite dëshiron ta ketë një skuadër në Ligën e Kampionëve dhe po planifikojnë ta nisin një kërkesë në UEFA, të quajtur si ‘Wild Card’, që ekziston në sporte të tjera, si për shembull në Wimbledon, turneun më të madh dhe të vjetër njëkohësisht në tenis.
Sipas një raportimi nga Corriere dello Sport, autoritetet saudite duan që fituesit e Pro Ligës të kenë një vend në Ligën e Kampionëve nga sezoni 2024-25. Ata planifikojnë të propozojnë një hyrje me wild card që do t'i lejojë kampionët e elitës saudite të marrin pjesë në garën më të mirë të klubeve evropiane.
Instituti i ekspertëve në Jeddah do t'i kërkojë UEFA-s të heqë strukturën aktuale të garës dhe ta zëvendësojë atë me një format të vetëm të ngjashëm me kampionatin me 36 skuadra me tetë ndeshje për secilën skuadër përpara fazave të eliminimit. Kjo jo vetëm që do t'i mundësonte UEFA-s të rriste numrin e ndeshjeve, por gjithashtu do t'i lejonte ekipit saudit të marrë pjesë në Evropë.
Nëse ky propozim pranohet nga UEFA, ai potencialisht mund të shohë lojtarë si Cristiano Ronaldo, Karim Benzema dhe Neymar të luajnë sërish në Evropë. Për më tepër, kjo padyshim që do të rriste më tej profilin dhe prestigjin e Ligës Pro Saudite në shkallë globale.
Kjo është një sfidë e rëndësishme për autoritetet saudite për të bindur UEFA-n pasi mund të kërkojë një rishikim të plotë strukturor të garës. Mbetet për t'u parë nëse ky propozim sheh dritë në fund të tunelit.
