Ancelotti reagon për mungesën e respektit ndaj Viniciusit pasi u thye minuta e heshtjes për viktimat e tërmetit
Trajneri i Real Madridit, Carlo Ancelotti, ka thënë se ajo çfarë u bë në drejtim të Vinicius Junior para ndeshjes gjatë minutës së heshtjes ishte ‘mungesë respekti’.
Përpara fitores së Real Madridit të shtunën mbrëma ndaj Osasunës, u mbajt një moment heshtjeje për të përkujtuar viktimat e tërmetit në Turqi dhe Siri, e cila u thye nga një zë që thërriste: "Vinicius, biri i k*****".
Siç është bërë pothuajse e zakonshme në stadiumet si mysafirë, Vinicius u fishkëllua gjatë gjithë lojës. Në konferencën e tij për shtyp pas ndeshjes, Ancelotti ishte i prirur të mbronte lojtarin dhe të lavdëronte paraqitjen e tij.
Ancelotti u tha gazetarëve: "Ajo që ndodhi gjatë minutës së heshtjes ishte mungesë respekti për Vinin, por edhe për Turqinë dhe Sirinë. Pas kësaj, ndeshja ishte mjaft rutinë. Vini ishte spektakolar, si gjithmonë. Cilësitë e tij fizike janë të jashtëzakonshme dhe ai bëri diferencën. Ai shënoi golin e epërsisë dhe pati disa raste tjera për të shënuar."
Trajtimi i Vinicius në terrenet si mysafir ka qenë një pikë e madhe e bisedës në Spanjë këtë sezon. Lojtari është fishkëllyer në mënyrë rutinore dhe shpesh është objektiv i disa sulmeve agresive, gjë që disa pretendojnë se justifikohet me stilin e tij provokues të lojës. Por disa nga sjelljet ndaj Viniciusit kanë qenë padyshim të ndyra dhe raciste , duke çuar në thirrje nga lojtari dhe klubi i tij që autoritetet të veprojnë.
Pasi fituan ndeshjen jashtë shtëpisë në La Liga, Madridi dhe Vinicius tani përgatiten për një udhëtim të madh në Anfield të martën mbrëma për ndeshjen e tyre të parë të 1/16-tës së Ligës së Kampionëve kundër Liverpoolit.
