Amorim: Tifozët e Manchester Unitedit më bëjnë të ndihem sikur jam në shtëpi
Manchester Unitedi fitoi me përmbysje të rezultatit ndaj Bodo/Glimt në Ligë të Evropës, duke marrë kështu fitoren e parë nën drejtimin e trajnerit të ri, Ruben Amorim.
United shkoi në epërsi brenda minutës së parë, por norvegjezët shënuan dy herë nëpërmjet, Hakon Evjen dhe Philip Zinckernagel.
United barazoi pak para pushimit kur pasimi i Noussair Mazraoui në zonë e gjeti Hojlundin, i cili shënoi për 2:2.
Skuadra e Amorimit doli në epërsi pesë minuta pas pushimit kur pasimi i ulët i Manuel Ugarte nëpër zonë u drejtua në rrjetë nga Hojlund menjëherë pasi Mason Mount goditi traversën.
United nuk mundi të gjente një gol tjetër, megjithatë, dhe iu deshën dy pritje të mira nga Onana për të siguruar tre pikët që i çuan ata në vendin e 12-të në renditje me nëntë pikë, përpara Bodo/Glimt me shtatë.
“Sigurisht, unë shoh atë që shohin të gjithë, momente të mira, momente të vështira”, tha Amorim për TNT Sports.
“Kishte një konfuzion në fund duke u përpjekur për të mbajtur rezultatin, por djemtë bënë një punë të shkëlqyer. Ata vrapuan, ata bënë presion, u përpoqën të bënin gjërat për të cilat kemi punuar në tre ditët e fundit dhe ne fituam."
Ndeshja e parë e Amorimit në krye ishte një barazim 1:1 në Premierligë kundër Ipswich Town të dielën.
"Gjysma e stadiumit nuk më njeh, kam ardhur nga Portugalia dhe nuk kam bërë asgjë për këtë klub. Megjithatë mënyra se si ata më bëjnë të ndihem si në shtëpi është e veçantë. Do ta mbaj këtë në mend deri në fund të karrierës sime”.
