"A keni ardhur për foto me Messin" - Fjalimi frymëzues i trajnerit që ia fitoi Arabisë Saudite lojën me Argjentinën
Në një video të publikuar me fjalimin e trajnerit të Arabisë Saudite, Herve Renard, në pushimin mes pjesëve, e sheh atë duke frymëzuar futbollistët e tij për një rikthimin ndaj Argjentinës, gjë që edhe ndodhi. Ai në një moment dëgjohet duke thënë se a keni ardhur për të bërë foto me Messin.
Një nga goditjet më të mëdha që është parë ndonjëherë në Kupën e Botës është luajtur në Katar, pasi Argjentina e udhëhequr nga shtatë herë fituesi i Topit të Artë, Messi, humbi me rezultat 2-1 kundër Arabisë Saudite që kthyen rezultatin pas epërsisë në pjesën e parë të ameriko-latinëve.
Tani është zbuluar se çfarë u tha Renard lojtarëve të tij kur mbetën prapa 1-0 në 45 minutat e parë, me trajnerin legjendar francez që sugjeroi se po tregohej shumë respekt për të madhin e të gjitha kohërave.
Renard i cili ka menaxhuar më parë Zambinë, Angolën, Bregun e Fildishtë dhe Marokun i tha skuadrës së tij në pushim: “Çfarë po bëjmë këtu?”
Pastaj vazhdoi: “Nuk ka kuptim, Messi, në mes të fushës, ai ka topin, ju qëndroni para mbrojtjes, merrni telefonin, mund të bëni një foto me të nëse dëshironi! Ai e ka topin. Ju jeni përballë mbrojtjes së tyre!! Ai nuk ka njeri!! A Nuk mendoni se do të kthehemi!? Nuk e ndjeni!? Ata luajnë të qetë. Eja!! Ejani djema!!! Kjo është Kupa e Botës!! Jepni gjithçka!!!”
Hervé Renard, Saudi Arabia coach's speech at half time vs. Argentina. Talks about the marking and Lionel Messi.pic.twitter.com/GZdfM2WSU6
— Roy Nemer (@RoyNemer) November 24, 2022
Messi kishte shënuar për Argjentinën nga penalltia në ndeshjen hapëse të Grupit C, por Arabia Saudite u kundërpërgjigj në pjesën e dytë për të regjistruar dy goditje mahnitëse nga Saleh Al-Shehri dhe Salem Al-Dawsari që i lejuan ata të pretendonin një rezultat të paharrueshëm, me tre pika të mirëseardhjes.
Arabia Saudite do të rikthehet në aksion kundër Polonisë të shtunën, ndërsa Messi dhe Argjentina po përgatiten për një përplasje të vështirë me Meksikën, ku të dyja e kërkojnë fitoren për një kualifikim tutje.
