17-vjeçari i Barcelonës kërkohet në Premierligë, Xavi e sheh si pjesë të rëndësishme të skuadrës
Mbrojtësi 17-vjeçar i Barcelonës, Pau Cubarsi, është shënjestruar nga disa skuadra të Premierligës, me klauzolën e tij prej 10 milionë euro që e lejon të largohet nga katalunasit, edhe pse në Camp Nou ai shihet si pjesë e rëndësishme e rindërtimit të skuadrës.
Adoleshenti nënshkroi kontratën e tij të parë profesionale me Barçën vetëm vitin e kaluar, por dalja e tij në ekipin e parë ka përshpejtuar nevojën për ta lidhur atë me një marrëveshje të re.
Barça tashmë po negocion një përmirësim me agjentin e qendërmbrojtësit, por burimet shpjegojnë se paraqitjet e tij me ekipin e parë kanë "ndryshuar pikën e fillimit" kur vjen puna për të arritur një mirëkuptim për një marrëveshje të re afatgjate.
Burime pranë stafit stërvitor detajojnë pjekurinë dhe trimërinë me të cilën Cubarsí ka luajtur që kur debutoi si 16-vjeçar në Kupë të Mbretit kundër Unionistas de Salamanca në janar.
Cubarsí që atëherë ka bërë gjashtë paraqitje nën trajnerin Xavi Hernández, duke përfshirë fillimet në fitoret e La Ligas kundër Real Betis, Osasunas dhe Alavés.
“Ne po bënim shaka me të një ditë, sepse me 17 vite mbi supe ai tashmë duket si një veteran”, tha Xavi pas fitores 3:1 të fundjavës së kaluar ndaj Alavés.
"Ai tashmë po luan si një lojtar që është shumë më i vjetër se vitet e tij. Ai është agresiv, nuk e humb topin dhe është shumë i mirë në nxjerrjen e topit nga prapa."
Këto cilësi kanë çuar në një urgjencë për të rinovuar kontratën e Cubarsít pasi disa nga klubet më të mëdha të Anglisë për shkak të klauzolës së tij që është fiksuar në një vlerë relativisht të përballueshme prej 10 milionë euro, e kanë shënjestruar atë.
Cubarsí iu bashkua Barçës në vitin 2018 si 11-vjeçar pasi kaloi katër vjet te Girona. Që atëherë, ai ka përparuar në akademinë e klubit katalanas La Masia përpara se të bënte debutimin e tij në Barça Atlétic në fillim të këtij sezoni, pasi filloi të stërvitej rregullisht me ekipin e parë.
Xavi i dha atij debutimin e tij në ekipin e parë më 19 janar. Ai ka bërë gjashtë paraqitje që nga ajo kohë, duke impresionuar në zemër të mbrojtjes së bashku me reprezentuesin e Uruguait, Ronald Araújo.
“Ai është i përgatitur shumë mirë”, tha Xavi për Cubarsín pasi ai bëri debutimin e tij në La Liga kundër Betis në janar, vetëm disa ditë para ditëlindjes së tij të 17-të.
"Ai nuk duket 16 vjeç kur flisni me të. Ai është një fëmijë i përqendruar dhe i përgjegjshëm. Unë mendoj se nuk ka humbur asnjë top. Ai do të shënojë një epokë të re, njësoj si Lamine [Yamal]. Ne po vazhdojmë të ndërtojmë një ekip me futbollistë të rinj. Këta janë lojtarë me të cilët ne duhet të ndërtojmë të ardhmen e klubit."
Cubarsí është një nga disa të rinj që ka bërë përparim nën drejtimin e Xavit, me Yamal (16), Hector Fort (17) dhe Marc Guiu (18) mes të tjerëve që kanë bërë ndikimin e tyre këtë sezon.
