Nëpërmjet rrjeteve rajonale, biznesmenë nga Ballkani Perëndimor po përgatiten për tregun e Bashkimit Europian
“Përmirësimi i infrastrukturës, zgjidhja e barrierave që ekzistojnë për të përshpejtuar qarkullimin e mallrave dhe shërbimeve, krijimi i një linje ajrore të përbashkët që do të lidhë rajonin, zgjidhja e çështjes së organeve certifikuese dhe dokumenteve janë vetëm disa nga temat që diskutojnë biznesmenët në Shkup, në Platformën e Biznesit BE-Ballkani Perëndimor, e cila mblodhi komunitetin e biznesit nga rajoni në një vend.
Qëllimi i forumit ishte promovimi i bashkëpunimit brendarajonal, por edhe përgatitja më e mirë e kompanive nga rajoni për anëtarësim në tregun e vetëm të BE-së.
Në ngjarje morën pjesë përfaqësues të lartë të Bashkimit Europian, drejtorive të ndryshme dhe institucioneve rajonale, të cilët punojnë në agjendën ekonomike në rajon.
Sipas Branko Azeski, bashkëkryetar i Forumit të Odës së Investimeve dhe kryetar i Odës Ekonomike të Maqedonisë së Veriut, ky dialog do të kontribuojë në zgjidhjen e çështjeve administrative, rregullatore dhe teknike, të cilat janë të rëndësishme për kompanitë nga rajoni i Ballkanit Perëndimor, por edhe që sektori privat nga rajoni të kuptojë më mirë funksionimin e tregut të vetëm të BE-së, me të cilën kompanitë do të duhet të përshtatin operacionet e tyre.
Kolegu i tij kosovar dhe kryetar i Forumit të Odës së Investimeve, Lulzim Rafuna, theksoi se forcimi i bashkëpunimit ndërmjet sektorit të biznesit të vendeve të Ballkanit Perëndimor dhe Komisionit Europian është jashtëzakonisht i rëndësishëm.
“Ne jemi këtu për të përgatitur kompanitë për tregun e Bashkimit Europian. Jam i kënaqur që KIF ka bërë një punë të shkëlqyer në periudhën e kaluar dhe kam qëndrim pozitiv për të gjitha gjërat që do të ndodhin në të ardhmen, së bashku me z. Azeski, sepse ne kemi mbështetjen e të gjitha palëve të interesuara, si dhe donatorëve. Puna jonë është në fakt të jemi urë lidhëse dhe të ndihmojmë kompanitë gjatë procesit të digjitalizimit, agjendës së gjelbër dhe sfidave të tjera të mundshme që sjell
anëtarësimi në BE”.
Në kuadër të ngjarjeve të organizuara nga KIF në Shkup gjatë dy ditëve të fundit, është mbajtur seanca e Bordit të Drejtorëve të KIF-it, ku Tatjana Shterjova Dushkovska është rizgjedhur edhe për një mandat Sekretare e Përgjithshme e Forumit të Odës së Investimeve.
ËSHTË NJË RRUGË E GJATË DREJT NJË TREGU RAJONAL
Raportet vjetore mbi shqyrtimet e kompanive në lidhje me ecurinë e zbatimit të Planit të Veprimit të Përbashkët Rajonal të Tregut, të përgatitur nga BP6 CIF, tregojnë se pavarësisht se është bërë progresmodest në procesin e integrimit ekonomik rajonal, pjesa më e madhe e punës nuk ka ardhur ende.
Zbatimi i plotë i Tregut të Përbashkët Rajonal mbetet çështje me prioritet më të lartë për komunitetin e biznesit të rajonit dhe pavarësisht vonesës në zbatimin e tij, rezultatet e hulumtimit të kryer gjatë tre viteve të fundit konfirmojnë se çështjet e renditura si pika veprimi në këtë dokument mbetet ende kërkesa e vlefshme e komunitetit të biznesit rajonal dhe kompanive në të gjithë rajonin presin zhvillime të dukshme në lidhje me çështjet që janë përzgjedhur si fusha kryesore prioritare.
Në përgjithësi, komuniteti i biznesit BP6 është shumë mbështetës i çdo opsioni të zbatueshëm që e bën bashkëpunimin rajonal të biznesit më efikas dhe ndihmon që çdo treg brenda Ballkanit Perëndimor të bëhet më i fortë dhe më i qëndrueshëm.
Në panelin e diskutimit, anëtarët e Këshillit të Biznesit të BP6 CIF u fokusuan në disa tema, duke përfshirë infrastrukturën e cilësisë në BP6 dhe nevojën për të vazhduar punën për harmonizimin e akreditimit të laboratorëve të BP6 me rregullat europiane dhe për njohjen reciproke në ekonomitë e BP-së; sfida e reduktimit të kohës së pritjes në pikat kufitare, ku infrastruktura dhe personeli, së bashku me procedurat kufitare, mbeten ende pengesë kryesore për sigurimin e lëvizjes së lirë të mallrave midis rajonit dhe BE-së dhe brenda rajonit BP6; eliminimi i barrierave jotarifore që vazhdojnë të pengojnë
tregtinë rajonale; sfidat, por edhe perspektivat për kompanitë e BP6 në përfshirjen e standardeve MSQ në operacionet e tyre dhe përputhshmërinë me Marrëveshjen e Gjelbër të BE-së dhe Agjendën e Gjelbër për Ballkanin Perëndimor.
BP6 CIF I SHPËRBLEU 16 KOMPANITË MË SUKSESSHME NË RAJON
BP6 CIF, me mbështetjen e Komisionit Europian, organizoi ceremoninë e ndarjes së çmimeve, të mbajtur më 29 mars 2023 në Shkup, dhe ndau çmime për 16 kompani të suksesshme në rajonin e Ballkanit Perëndimor. Ceremonia e ndarjes së çmimeve kremtoi suksesin e disa prej kompanive më të spikatura nga rajoni i BP-së në kategori të ndryshme, duke përfshirë investitorin kryesor (kampion) në shtetet e Ballkanit Perëndimor, rritjen më të lartë të eksporteve në rajon për vitin 2022, kampionin e mjedisor në Ballkanin Perëndimor, kampioni digjital në Ballkanin Perëndimor, një furnizues i suksesshëm në zinxhirin rajonal dhe kompania më inovative në Ballkanin Perëndimor.
Çmimet rajonale njohin kontributin e kompanive që janë liderë në integrimin ekonomik rajonal dhe bashkëpunimin në shtylla të ndryshme të Tregut të Përbashkët Rajonal, Agjendës së Gjelbër dhe Digjitale për Ballkanin Perëndimor dhe integrimin e ekonomive të Ballkanit Perëndimor drejt tregut të vetëm të BE-së.
Fituesit e çmimeve janë kompanitë në vijim nga rajoni:
Aluminij industrija d.o.o., Bosnjë dhe Hercegovinë (Kompania me rritjen më të lartë të eksporteve në rajon për vitin 2022); Mega-International doo, Mali i Zi (Kompania me rritjen më të lartë të eksporteve në rajon për vitin 2022);
Veraria Tikveš, Maqedonia e Veriut (Kompania me rritjen më të lartë të eksportit në rajon për vitin 2022); MARBO PRODUCT DOO BEOGRAD Serbi (Kompania me rritjen më të lartë të eksportit në rajon për vitin 2022); SIK d.o.o. Mostar, Bosnjë dhe Hercegovinë (Kampion digjital);
CACTTUS J.S.C (Kampion Digjital); Logate, Mali i Zi (Kampion Digjital); Makprogres doo, Maqedonia e Veriut (kampion digjital); Salveo d.o.o. Serbi (kampion digjital); AZ Grupa Sh.P.K, Shqipëri (Kampion për mbrojtjen e mjedisit); Mont Vai Montenegro (Kampion për mbrojtjen e mjedisit në BP6);
Instituti i Inxhinierisë së Ndërtimit ShA MAKEDONIJA SHKUP (CEIM) (Kampion për mbrojtjen e mjedisit në BP6); Elixir Zorka-Prodhimi i plehrave minerale, Serbi (kampion për mbrojtjen e mjedisit); Industriafarmaceutike, kimike, kozmetike ShA ALKALOID SHKUP, Maqedonia e Veriut (Investitori kryesor (kampion)); Nelt Co doo Serbia (Furnizues i suksesshëm në zinxhirin rajonal); Farmavit d.o.o. PJ FOOD Planet, Bosnjë dhe Hercegovinë (Kompania më inovative në BP6).
