Mbahet Ora e Gjelbër në Prishtinë, Gjakovë, Ferizaj dhe Kamenicë
Më 25 prill 2025, “Ora e Gjelbër” u mbajt në Prishtinë, Gjakovë, Ferizaj dhe Kamenicë, duke sjellë në qendër të vëmendjes sfidat dhe nevojat mjedisore në këto komuna. Aktivitetet u organizuan në bashkëpunim me organizatat partnere QPA në Prishtinë, Rrjeti Qeliza në Gjakovë, Avonet në Ferizaj dhe Fortesa në Kamenicë.
Në diskutime u ngritën shqetësime konkrete, nga mungesa e hapësirave të gjelbra, tek mungesa e menaxhimit të mbeturinave, ndotja e ajrit dhe mungesa e reagimit institucional – sfida që prekin përditshmërinë e çdo qytetari. Në secilën komunë u ngritën pyetje për institucionet, u prezantuan ide konkrete për përmirësime, dhe u kërkua përshpejtim në realizimin e premtimeve lokale mjedisore. “Ora e Gjelbër” po krijon hapësira ku qytetarët ndihen të dëgjuar dhe të përfshirë, duke e kthyer kujdesin për mjedisin në përgjegjësi të përbashkët – duke i afruar komunitetin dhe institucionet në një proces që kërkon veprim të ndërsjellë dhe të qëndrueshëm.
