Konfirmohet se 35-vjeçarja e vrarë më parë kishte kërkuar ndihmë nga policia
35-vjeçarja e cila u vra sot para repartit të Gjinekologjisë, më parë kishte kërkuar ndihmë nga organet e drejtësisë. Kjo është konfirmuar nga Nazlie Bala nga Ministria e Drejtësisë për Radio Dukagjinin.
Pas konfirmimit të dhënë, Bala u shpreh se “institucionet e sigurisë duhet të shtojnë përgjegësinë dhe viktimave të dhunës t’u jepet përkrahje e plotë”
Më tej, ajo ka thënë se “lufta ndaj fenomenit të dhunës duhet të jetë e gjithë shoqërisë dhe të mos reduktohet vetëm në institucione.”
Vdekja e 35-vjeçares bashkë me fëmijën e palindur, është konfirmuar nga Policia e Kosovës, ndërsa dorasi është ende në arrati.