'Huqjet' e Gërvallës në Twitter kapin edhe Twitterin: Ngatërron Nigerinë me Norvegjinë
Ministren e Punëve të Jashtme të Kosovës, Donika Gërvalla – Schwarz, jemi mësuar ta shohim duke ngatërruar flamuj të shteteve të ndryshme, sidomos nëpër postime e saj në Twitter. Por së fundi, edhe vetë kjo kompani, duket se ka bërë një huqje të madhe, për çka edhe e ka marrë një reagim nga shteti norvegjez.
Rrjeti social Twitter tash u vendos etiketa në fillim të faqes, llogarive zyrtare të institucioneve apo liderëve shtetërorë.
“Government organization”, apo në shqip “Organizatë Qeveritare” është etiketa që kanë këto llogari.
Twitter, siç duket në etiketim po e ngatërron Norvegjinë me Nigerinë.
Dear @TwitterSupport, as much as we enjoy our excellent bilateral relations and close alphabetical vicinity with Nigeria, we would much appreciate if you could label us as Norway😉
— Norway MFA (@NorwayMFA) December 13, 2022
P.S. That also goes for Prime Minister @jonasgahrstore and Foreign Minister @AHuitfeldt 🇳🇴 pic.twitter.com/wr6cb3yv2W
Ministria e Punëve të Jashtme të Norvegjisë, në një postim të bërë para pak orësh, i ka kërkuar Twitterit që ta përmirësojë këtë gabim.
“I dashur Twitter, sado që i gëzojmë marrëdhëniet tona bilaterale të shkëlqyeshme dhe afërsinë alfabetike me Nigerinë, do ta vlerësonim shumë nëse mund të na etiketoni si Norvegjia. Kjo shkon edhe për kryeministrin dhe ministrin e Jashtëm”. – thuhet në këtë postim.
Pra siç duket, Twitter e ka cilësuar edhe llogarinë e kryeministrit norvegjez, Jonas Gahr Store si të një zyrtari të Nigerisë.
