Jasharaj: Jemi në pritje të takimit me Presidenten, ajo duhet t’i shohë palët të barabarta

J

Kryetari i Sindikatës së Bashkuar të Arsimit dhe Shkencës të Kosovës (SBASHK), Rrahman Jasharaj, ka treguar se janë në pritje të takimit me presidenten e vendit, Vjosa Osmani.

Pas takimit me kryetarin e LDK-së, Lumir Abdixhikun, ai thënë se pret që e para e vendit t’i shoh palët në mënyrë të barabartë.

“Ne jemi të angazhuar maksimalisht që kushdo që mundet ta bëjë një hap pozitiv drejt dialogut. I kemi thënë kabinetit të saj po dhe jemi në pritje, datë nuk kemi. Uroj që presidentja t’i shohë palët të barabarta. Po urojmë edhe te zoti që ajo të kontribuojë që dialogu i mirëfilltë të fillojë dhe kemi shpresa edhe te ajo që do të bëjë ndonjë hap pozitiv”, ka thënë Jasharaj.