46-vjeçari në Prishtinë vdes derisa po pinte diçka në një lokal, pronari s'e njeh
Një person dyshohet se ka vdekur në rrugën “Muharrem Fejza” sot derisa po pinte diçka brenda një lokali.
Rastin për Klan Kosovën e ka konfirmuar zëdhënësja e Policisë për Rajonin e Prishtinës, Flora Ahmeti, e cila ka thënë se viktima ishte 46 vjeçar.
“Aktualisht policia, me kujdes të shtuar, ka nisur hetimin e rastit si ‘vdekje e dyshimtë’ dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, tha Ahmeti.
Pronari ka thënë se viktima kishte ardhur si çdo konsumator tjetër në lokalin e tij, mirëpo që pastaj, sipas tij, i njëjti kishte pësuar sulm kardiak.