Zogaj: Cirku në Kuvend është rezultat i partisë së madhe dhe kryeneçësisë së saj
Deputeti i LDK-së, Alban Zogaj, ka vlerësuar se ajo që po ndodh në Kuvendin e Kosovës është një cirk.
Para fillimit të përpjekës së 34-të për konstituimin e Kuvendit, ai ka deklaruar se ky cirk është rezultat i partisë së madhe dhe kryeneçësisë së saj.
Ai ka thënë se përgjegjësia për të dal nga kjo krizë i takon VV-së.
“Jemi duke i propozuar kandidatët për kryetarë komunash dhe për asamble. Normalisht që kjo sagë që po e shohim çdo ditë, ky cirk, bie nën hije kur ne tash fokusin e zhvendosim në zgjedhje lokale. Por, në asnjë moment nuk duhet të lëmë anash këtë cirk që po ndodhë në kuvend. Ky cirk është rezultat i partisë së madhe dhe kryeneçësisë së saj për të mos dalur nga kjo krizë”, ka deklaruar Zogaj.
