Zhduken dy femra, policia jep detaje

Policia e Kosovës ka njoftuar se dje dy persona janë raportuar si të zhdukur.

Në raportin 24 orësh, policia ka treguar se bëhet fjalë për dy femra.

Sipas policisë, njëra është nga Ferizaj, kurse tjera nga Suhareka.

“Rr. 12 Qershori, Ferizaj 23.09.2024 – 10:40. Ankuesja femër kosovare me datë 26.09.2024 ka informuar se vajza e saj e mitur është larguar nga shtëpia dhe nuk është kthyer më. Rasti është duke u hetuar”, është thënë në raportin e policisë.

“Rr. 13 Qershori, Suharekë 26.09.2024 – 20:00. Ankuesja femër kosovare ka informuar se vajza e saj e mitur është larguar nga shtëpia dhe nuk është kthyer më. Rasti është duke u hetuar”, është thënë në raport.