Zëvendëssekretari i NATO-s: Është koha që Kosova dhe Serbia të bëjnë kompromise
Zëvendëssekretari i Përgjithshëm i NATO-s, Mircea Geoana ka thënë se NATO mbështet përpjekjet e Kosovës dhe Serbisë dhe se tani është koha që të dyja palët të bëjnë kompromise.
Geoana përmes një postimi në Twitter, ka njoftuar se ka zhvilluar një bisedë telefonike me të dërguarin special të Bashkimit Evropian për dialogun Kosovë-Serbi, Miroslav Lajçak.
Ai ndër të tjera ka thënë se NATO mbetet fuqishëm e përkushtuar ndaj paqes dhe stabilitetit në Ballkanin Perëndimor.
“NATO-ja mbështet fuqishëm përpjekjet e vazhdueshme diplomatike me Beogradin dhe Prishtinën të udhëhequr nga BE-ja. Është koha që të dyja palët të bëjnë kompromise. Angazhimi ynë për stabilitet të qëndrueshëm në Ballkanin Perëndimor, duke përfshirë edhe KFOR-in, është i fortë.” – ka shkruar Geoana në Twitter.
Good to speak again w/ 🇪🇺 SR @MiroslavLajcak. #NATO strongly supports ongoing diplomatic efforts w/ Belgrade & Pristina led by the #EU. It's time for both sides to make compromises. Our commitment to lasting stability in the W. Balkans, including through @NATO_KFOR is rock-solid.
— Mircea Geoana (@Mircea_Geoana) March 15, 2023
