Vuçiq: Kosova s'ka të drejtë të propozojë draft-statut për Asociacionin
Presidenti i Serbisë, Aleksandar Vuçiq, ka thënë se Kosova nuk ka të drejtë të propozojë draft- statutin e Asociacionit të komunave me shumicë serbe, teksa i ka dërguar mesazh të dërguarit special të SHBA-së, Gabriel Eskobar, që të "ripërtërijë elementet" e ASK-së.
Vuçiq për emisionin qendror të lajmeve në RTS, ka thënë se situata në Kosovë është jashtëzakonisht e rëndë, por falë urtësisë së popullit serb, paqja dhe stabiliteti janë ruajtur.
“Situata në Kosovë dhe Metohi është jashtëzakonisht e vështirë, por falë durimit, urtësisë, inteligjencës dhe bojkotit të çdo gjëje që janë institucionet shqiptare, gjë që i acaron edhe më shumë, kemi arritur të ruajmë paqen dhe stabilitetin”, tha Vuçiq në.
“Mendoj se në proporcion me popullsinë, numri më i madh i njerëzve në tubimin e së premtes do të jetë nga Kosova. Dhe ata që u nisën në këmbë nuk janë njerëz që janë simpatizues partiakë, janë njerëz që e duan Serbinë dhe e dinë se sa kemi luftuar dhe do të vazhdojmë të luftojmë për Republikën e Kosovës”, ka theksuar Vuçiq.
Tutje, presidenti serb ka thënë se Kosova nuk ka kompetenca dhe të drejta për të propozuar draft-statut për Asociacionin.
“Eskobar thotë – tani presim propozimin e Kosovës për BKS, më duhet t’ia kujtoj, dhe ai nuk do të më falë – të kthehet dhe të ripërtërihet elementet, të lexojë se çfarë është shkruar në Marrëveshjen e Brukselit dhe Anekset. Autoritetet e Prishtinës nuk kanë ingerenca dhe kompetenca dhe nuk kanë të drejtë të bëjnë asnjë propozim. Ne as nuk jemi të interesuar dhe as do të marrim pjesë në ato budallallëqe që sytë tanë përpiqen të na verbojnë. Vetëm lexoni se çfarë është shkruar”, tha Vuçiq, transmeton Kosovo-Online.
Ai ka thënë se Ekipi Menaxhues i përbërë nga serbët është i vetmi organ kompetent për propozimin.
"Dhe ai ekziston. Dhe mos pretendoni se e keni harruar. Ripërtërini elementet. Nëse nuk po e ripërtëroni në lidhje me Kartën e OKB-së dhe Rezolutën 1244, ju lutemi ta bëni këtë tani”, tha Vuçiq.
