Vrasja e gruas në Pejë, presidentja: Femicidi ka marrë përmasa të jashtëzakonshme, duhet të ndalet
Një grua mbeti e vrarë sot nga bashkëshorti i saj në Pejë, rasti i dytë ky i vrasjes së grave brenda një jave. Për këtë, presidentja Vjosa Osmani ka thënë se ky është një fenomen i tmerrshëm që po plagos shoqërinë e shtetin.
Sipas “EO”, gjatë një ngjarje në kryeqytet, Osmani ka thënë se femicidi ka marrë përmasa të jashtëzakonshme dhe duhet të ndalet me çdo kusht.
Tutje, ajo ka bërë thirrje nga aktivistët, instituciont e sigurisë e drejtësisë, që të ndalet dhuna mbi baza gjinore.
“Fatkeqësisht sot jemi zgjuar të gjithë në mëngjes me lajmin e tmerrshëm për vrasjen edhe të e një gruaje nga bashkëshorti saj. Ky fenomen i tmerrshëm që po e plagos shoqërinë dhe shtetin tonë, ky femicid i cili për fat të keq ka marrë përmasa të jashtëzakonshme duhet të ndalet me çdo kusht dhe mënyra e vetme për ta ndalur atë është në çoftë se ri zgjohemi të gjithë si shoqëri, si shet e si komb. Rizgjohemi të gjithë në këmbë kundër këtij fenomeni sepse nuk kemi jetë vajzash e grashë për të humbur. Prandaj ju bëj thirrje të gjithëve, aktivistë të shoqërisë civile, institucione të sigurisë dhe të drejtësisë, qytetarë, gra e burra bashkë që të ndalim një herë e përgjithmonë dhunën mbi baza gjinore i cili siç e përmenda po e njollosë shtetin tonë dhe mund ta shkatërrojë atë përbrenda. E kemi detyrë që ta luftojmë këtë fenomen dhe ti mbrojmë vajzat e gratë dhe qytetarët.” – u shpreh presidentja Osmani.
Ndryshe, lajmi për vrajsen e gruas në Pejë është konfirmuar edhe nga Prokuroria Themelore e Pejës, derisa zëdhënësi Shkodran Nikçi ka thënë se i dyshuari është arrestuar.
“Kryeprokurorit dhje Prokurori i krimeve të rënda së bashku me të gjitha njësitet policore relevante janë në vendin e ngjarjes ku dyshohet se bashkëshorti e ka vrarë gruan e tij. I dyshuari është arrestuar dhe i është sekuestruar arma, ndërsa në vendin e ngjarjes janë duke u kryer të gjitha hetimet e nevojshme. Jemi në pritje të ekipit të mjekësisë ligjore për të marrë trupin e pajetë.” – ka thënë ai.
