Voton kryetari i KQZ-së, u bën thirrje qytetarëve që të marrin pjesë në procesin zgjedhor
Kryetari i Komisionit Qendror të Zgjedhjeve, Kreshnik Radoniqi, ishte ndër të parët që ushtroi të drejtën e votës në zgjedhjet e sotme.
Ai votoi në shkollën fillore Shkolla Fillore 'Lidhja e Prizrenit', në Pejë.
Pas votimit, Radoniqi u bëri thirrje qytetarëve të Kosovës që të marrin pjesë në procesin zgjedhor dhe të shfrytëzojnë të drejtën e tyre kushtetuese për të votuar.
“Sot fillon dita e zgjedhjeve dhe për këtë ditë KQZ ka qenë e angazhuar që nga shpallja e saj për përgatitjet. Të gjitha përgatitjet deri më sot pothuajse kanë përfunduar, tash fillon procesi zgjedhor dhe më pas fillon numërimi në të gjitha qendrat komunale të numërimit. I bëj thirrje të gjithë qytetarëve të Republikës së Kosovës që të dalin dhe të shfrytëzojnë të drejtën e tyre kushtetuese për të votuar, me zgjedhjen e tyre do të zgjedhin përfaqësuesit për Kuvendin e Republikës së Kosovës”, ka deklaruar Radoniqi.
