Vendoset kordoni i policisë për mbrojtjen e ndërtesës së Kryeministrisë

Policia shqiptare ka bërë të gjitha përgatitjet për të evituar çdo incident në protestën e sotme të opozitës, e cila pritet të fillojë në ora 12:00.

Tashmë policia ka vendosur edhe kordonin rreth Kryeministrisë, i cili ka për qëllim mbrojtjen e ndërtesës nga protestuesit.

Sipas mediave shqiptare, në bulevardin “Dëshmorët e Kombit” janë vendosur rreth 1500 efektivë të policisë.

kryetari i Partisë Demokratike, Sali Berisha, ka paralajmëruar se kjo protesta do të jetë e madhe.

Në profilin e tij në “Facebook”, ai ka shkruar se e gjithë Shqipëria po marshon drejt Tiranës.

“Shqipëria po marshon drejt Tiranës, Tirana vërshon sot në rrugët dhe sheshet e saj! Rroftë Revolucioni Demokratik”, ka shkruar Berisha.