Vata: Për shkak të Tik Tok-ut janë kryer dy vetëvrasje, kemi bërë kërkesë që të mbyllet
Kryetari i Urdhrit të Punonjësve Socialë, Mirgit Vata, në emisionin “Review” në Euronews Albania thotë se Tik-Tok është i dëmshëm, sidomos për adoleshentët, pasi sipas tij, në këtë aplikacion promovohet gjuha e dhunës dhe urrejtjes.
Vata u shpreh se për shkak të për shkak të këtij aplikacioni, në Shqipëri janë kryer dy vetëvrasje, dhe se kanë kërkuar në AMA për mbylljen e Tik-Tok, por nuk kanë marr ende përgjigjje.
“Tik-Toku, për mua është një ndër shqetësimet më serioze. Mua personalisht, gjatë eksperiencës sime të punës, me rastet që jam ndeshur te linja e këshillimit për fëmijë, unë kam qenë gjithë kohës në situatë alarmi, për aktualitetin që ndodhte, për tipologjinë e rasteve që ndodhin, për gjuhën e dhunës, urrejtjes, për nivelin e agresivitetit, për nivelin e diskriminimit, bullizmit, për të gjitha llojet e niveleve të dhunës, për adoleshentë dhe të rritur.
Të gjitha ndodhin në Tik-Tok. Në Shqipëri, për shkak të Tik-Tok ke dy raste vetëvrasje adoleshentësh. Ne kemi bërë kërkesë, që Tik Tok të mbyllej në Shqipëri, para një viti më parë, te AMA”, theksoi ai.
