Ushtria ukrainase thuhet se është afër një qyteti të rëndësishëm për rusët

Një zyrtar ukrainas raportoi për situatën pranë Kreminës, duke thënë se trupat ishin "jo larg" nga qyteti.

Kreu i administratës ushtarake rajonale të Luhanskut, Serhij Hajdaj, tha në një postim në Telegram se luftimet janë në vazhdim dhe se janë luftime mjaft të ashpra.

Komanda ushtarake e Federatës Ruse tashmë është zhvendosur nga ky qytet në Rubizhne”, tha ai. Kjo mund të jetë një shenjë se Rusia mund të përgatitet të tërhiqet.

Ukraina po kërkon avionë luftarakë dhe anije luftarake perëndimore

Zëvendësministri i Jashtëm i Ukrainës Andriy Meljnik kërkoi të hënën avionë luftarakë perëndimorë, anije luftarake dhe tanke, pas premtimit të SHBA-së për të dërguar sisteme antiraketë Patriot në Ukrainë.

Ukraina është shumë mirënjohëse për "lëvizjet e reja të guximshme" të SHBA-së, tha Meljnik. "Por dihet se ka ende tabu që duhen thyer. Na duhen urgjentisht tanke perëndimore, avionë luftarakë, anije luftarake, raketahedhës me shumë fuçi, municione".

Kjo është dëshira jonë e vetme për Krishtlindje, tha ish-ambasadori i Ukrainës në Gjermani. Përndryshe, lufta do të shkaktojë edhe më shumë vuajtje, vdekje dhe shkatërrim të Ukrainës, shtoi Meljnik. Ai vlerësoi se presidenti rus Vladimir Putin po përgatit ushtrinë dhe qytetarët e tij për një luftë të zgjatur dhe po mobilizon të gjitha burimet në dispozicion.

"Ukrainasit janë gati të luftojnë për çlirimin e atdheut të tyre, duke përfshirë Krimenë, deri në frymën e tyre të fundit. Kjo është e sigurt, pavarësisht se çfarë do të bëjnë aleatët tanë," vuri në dukje ai.

Meljnik refuzoi të negociojë me Rusinë dhe e quajti dëshirën e pretenduar të Kremlinit për negociata "një bllof të plotë".

Ai kategorikisht hodhi poshtë mundësinë që Ukraina të heqë dorë nga ndonjë pjesë e territorit të saj. "Kiev e konsideron të papranueshme. Kjo nuk do të ndodhë," tha Meljnik. /Nacionale/