“U fut një banor i ri në Kuvend”: Shpërthejnë talljet me deputetin e panjohur të VV-së
Seanca e djeshme e Kuvendit, e cila ka zgjatur deri në orët e para të ditës së sotme ka nxitur debate interesante në mes të kryeministrit Albin Kurti dhe deputetëve të opozitës.
E mira e kësaj seance ishte se në orët e vona filluan të marrin fjalën edhe deputetët të cilin shumë rrallë flasin në tempullin e demokracisë.
Të gjithë ata që kanë përcjell këtë seancë janë befasuar kur në foltore kanë parë deputetin e VV-së, Vendenis Lahu.
Kjo ishte ndoshta hera e parë që ky deputet iu drejtuar qytetarëve të Kosovës nga foltorja e Kuvendit.
Më të drejtë, shumë gazetarë, analistë dhe qytetarë u habiten kur e panë atë.
Pas përformancës se tij shpërthyen edhe talljen me deputetin, duke pyetur se kush ishte.
Shumë ironizuan, duke thënë se ai nuk është një deputet, por një qytetar i thjesht.
“Një tjetër specie e re në vendin tonë u zbulua së fundmi.” – shkroi analisti Ilir Mirena në llogarinë e tij në Facebook.
Dikush tjetër e krahasoi Kuvendin me Big Brother, duke thënë se është futur një banor i ri.
“Ne prajmin e sotem eshte futur edhe banori me i ri ne shtëpi”, ka shkruar Dardan Hasku.
Ndërsa, Arbër Ahmeti ka treguar se sa i ka kushtuar buxhetit të Kosovës ky deputet.
“Nuk e di a eshte hera e pare ne foltore a jo e ketij djalit, por besoj konsensusi i pergjithshem ne fb eshte qe as nuk po e njohim. Njejte ka edhe te partive tjera qe si kemi pa e ni kurr. Tash dalin folin najhere se dy vjet shkojne saora - e zgjedhjet. Tek e mbrama me e provu me ja bo nje shenje. Por ajo çka e di eshte qe ky djali deri tash ne kete legjislature i ka marr prej buxhetit te Kosoves mes 48-50 mije euro rroga. 50 mije euro. 50’000. 50000!”, ka shkruar Ahmeti. Në profilin e tij në “Facebook”.
Por, kush është ky person?
Sipas Vetëvendosjes, Vendenis Lahu është person i lindur më 1992 në Gllamnik të komunës së Podujevës.
Po sipas kësaj partie, Lahu është mjek me profesion dhe po kryen specializimin në QKUK.
“Fuqizimi i zërit të rinisë në skenën politike të vendit dhe avancimi e përmirësimit të sistemit shëndetësor në vend janë fokusi i aktivizmit të tij politik.” – shkruan kjo parti më tej në biografinë e Lahut.
