Trajkoviq: Lista Serbe është vetëm mekanizëm i Vuçiqit
Kryetarja e Lëvizjes Evropiane të Serbëve të Kosovës, Rada Trajkoviq, ka akuzuar subjektin politik Lista Serbe se është instrument i presidentit serb Aleksander Vuçiq.
Në llogarinë e saj në “Twitter”, ajo ka shkruar se ky subjekt politik është mekanizëm i Vuçiqit.
Politikania serbe ka kritikuar serbët e Kosovës të cilët janë nisur këmbë për të marrë pjesë në mitingun e presidentit serb në Beograd.
“Në vend që të gjithë të qëndrojnë në komunat veriore dhe të stabilizojnë njerëzit nesër kur kryetarët e rinj të marrin detyrën, ata u nisën për në Beograd për të stabilizuar destabilizuesin e tyre. Lista serbe nuk është gjë tjetër veçse një nga mekanizmat kryesorë të qeverisjes së Vuçiqit”, ka shkruar Trajkoviq.
Umesto da svi ostanu u severnim opštinama i stabilizuju narod sutra kada novi gradonačelnici preuzimaju dužnost, oni se zaputili u Beograd da stabilizuju svog destabilizatora.
— Rada Trajkovic (@trajkovic_rada) May 18, 2023
Srpska lista je ništa drugo nego jedan od glavnih mehanizama Vučićeve vladavine. pic.twitter.com/zwyiSvpnyz
