Tjetër diplomat ushtron padi ndaj Donika Gërvallës, përmendet edhe rasti famëkeq i "thyrjes së zyres"
Amir Haziri, ish-diplomat, ka ushtruar padi në gjykatë kundër ministres Donika Gërvalla-Schwarz.
Përveç saj, padi është bërë edhen daj Sekretarit të ministrisë që Gërvalla e drejton, Behar Ismës.
Me anë të një shkrimi në Facebook, ai ka njoftuar që arsyeja për padinë ndaj ministres është “shkëputja e marrëdhënies së punës zyrtare në MPJD”, vendim të cilin e ka cilësuar si “të kundërligjshëm dhe arbitrar”.
Ai ka bërë edhe kallëzim penal për “rastin e thyerjes së zyres së tij të punës”.
Ministrja Gërvalla ishte kritikuar madje edhe për mos-respektimin e vendimeve të Gjykatës, siç ishte rasti me diplomatin Viskont Jakupi për të cilin ajo ishte detyruar t’i kompensonte 20 mijë euro dëmshpërblim dhe ta kthente në vend të punës.
