Szunyog në takim lamtumirës me Kurtin: T’i përshpejtojë reformat për rrugën drejt BE-së
Shefi i Zyrës së Bashkimit Evropian në Kosovë, Tomas Szunyog, i cili është në fund të mandatit të tij, u takua për herë të fundit si ambasador i unionit evropian në zyrën e Kryeministrit të Kosovës, Albin Kurti.
Szunyog në platformën e tij zyrtare në “X”, shkroi për takimin lamtumirës me Kryeministrin Kurti, për të cilin ai shprehet falenderues në bashkëpunimin e tyre.
Kosova duhet të përshpejtojë përpjekjet për reformat drejt anëtarësimti eventual në BE, ishte mesazhi i tij.
“Rikonfirmova rolin e BE-së si një partner stabil dhe i pazëvendësueshëm për Kosovën dhe e inkurajova atë që t’i përshpejtojë reformat e nevojshme për rrugën e Kosovës drejt BE-së”, shkroi Szunyog.
Today, I had a farewell meeting with Kosovo's Prime Minister @albinkurti, whom I thanked for the cooperation. Reaffirmed the EU's role as a stable & irreplaceable partner for Kosovo & encouraged him to accelerate the necessary reforms for Kosovo's EU path. pic.twitter.com/RleBSr0Bg1
— Ambassador Tomáš Szunyog (@EUAmbKS) July 22, 2024
