Shkon në 18 numri i të vdekurve nga rrëzimi i helikopterit afër Kievit, publikohen mbetjet
Ka shkuar në 18 numri i personave të vdekur nga rrëzimi i një helikopteri në rajonin e Kievit, ku vdiq edhe ministri i Punëve të Brendshme të Ukrainës, Denis Monastyrsky. Lajmin e bëri të ditur Administrata Rajonale Ushtarake.
Guvernatori i rajonit të Kievit, Oleksiy Kuleba, tha në rrjete sociale se tri nga viktimat ishin fëmijë, pasi helikopteri u përplas në një çerdhe fëmijësh dhe pastaj në një ndërtesë banimi në periferi të kryeqytetit Kiev. Ky zyrtar shtoi se 29 persona janë lënduar, përfshirë 15 fëmijë.
Këshilltari i ministrit të Brendshëm, Anton Gerashchenko, tha se përpos ministrit Monastyrsky, nga aksidenti kanë vdekur edhe dy zyrtarë të tjerë: zëvendësministri Yevheniy Yenin dhe sekretari shtetëror, Yuriy Lubkovychis.
“Gjithmonë do t’ju kujtojmë. Familjet e juaja do të kenë përkujdesje. Kujtim i përjetshëm për miqtë e mi”- shkroi Gerashchenko.
Një punëtor i televizionit CNN ka thënë, pasi i ka parë disa letra të helikopterit të rrëzuar, se helikopteri ishte i tipit “Eurocopter EC225 Super Puma”.
The death toll from the crash of the helicopter in #Brovary rose up to 17, according to the head of the #Kyiv region, Oleksiy Kuleba. pic.twitter.com/0fsBn466RH
— NEXTA (@nexta_tv) January 18, 2023
