“Serbia po gënjen, armët e Radojçiqit s’janë nga Tuzla por nga fabrikat e tyre”: Reagon Kryeministri i Federatës së Bosnje-Hercegovinës
Kryeministri i Federatës së Bosnje-Hercegovinës, Nermin Nikshiq, ka mohuar se krimineli famëkeq Milan Radojçiq, siç pretendoi Prokuroria e Boegradit, ka blerë armë nga Tuzla e Bosnje-Hercegovinës, teksa i kërkoi Serbisë që “të mos kërkojë alibi për veprimet e tyre këtu në BeH”. Nikshiq ishte tejet i prerë në përgjigje ndaj autoriteteve serbe që në fakt këta të fundët “hartuan një plan për të transferuar pjesë të përgjegjësisë për sulmin terrorist te një vend fqinj, në Bosnje-Hercegovinë”.
"Unë e kuptoj që Serbia në ditët e fundit është ekspozuar ndaj presionit dhe dënimit të madh nga shtetet demokratike, por kjo nuk do të thotë se ata mund të kërkojnë një alibi për veprimet e tyre në Bosnje dhe Hercegovinë. Serbia nuk mund të shtrojë përgjegjësinë për furnizimin me armë, trajnimin e formacioneve paraushtarake dhe grupeve të qytetarëve serbë dhe zyrtarëve lokalë që shkaktuan konfliktin e armatosur në veri të Kosovës nga kjo anë e kufirit”, tha Nikshiq, siç e citoi KoSSeV.
“Fatkeqësisht, shërbimet e inteligjencës së Serbisë dhe lidershipi i saj politik hartuan një plan për të transferuar një pjesë të përgjegjësisë për sulmin terrorist në shtetin fqinj, në Bosnje dhe Hercegovinë. Duke marrë parasysh situatën politike në vendin tonë, ata ndoshta kanë vlerësuar se nuk do të të jetë një reagim adekuat, i shpejtë dhe i saktë i bazuar në fakte. Na kanë nënvlerësuar sërish”.
Kryeministri i Federatës së BeH-së rikujton se armët që ka kapur Policia e Kosovës “nuk janë të prodhuara në BeH” dhe se Policia e Kosovës ka publikuar numrat serikë dhe tipin e armëve që “janë të prodhuara në fabrikat serbe si ‘Sloboda’ dhe ‘Krushik’”.
"Sipas ligjeve të vendit tonë, gjatë eksportimit të armëve, municioneve dhe pajisjeve të tjera ushtarake, deri në fishekë individualë, në çdo vend tjetër, kryhen procedurat më të rrepta sipas standardeve të NATO-s dhe në bashkëpunim me NATO-n. Një ‘përdorues përfundimtar "çertifikata (certifikata për përdoruesin përfundimtar të mallit) dhe lejet nga katër ministritë shtetërore (ministritë e Mbrojtjes, Sigurisë, Punëve të Jashtme dhe Tregtisë së Jashtme dhe Marrëdhënieve Ekonomike), si dhe vërtetime nga Ministria kompetente e Punëve të Brendshme për emrat e drejtuesve, numrat e regjistrimit, përcaktimi i automjeteve që kryejnë transport, rrugë lëvizjeje etj”.
“Sigurisht që të gjitha informacionet objektive thonë se shërbimet serbe kanë publikuar informacione të rreme, kanë rillogaritur nëse mendonin se një mashtrim i tillë do të kalonte pa reagim. Ne bëjmë thirrje Serbia të hetojë në mënyrë transparente shkaqet e vërteta dhe të zbulojë publikisht organizatorët dhe nxitësit e vërtetë të sulmit terroris”, ka thënë ai.
